絲絲講場：Tesla車保花款多多
電動車雖則未至於梗有一架喺左近，但的確喺香港愈嚟愈受歡迎，AXA安盛同埋Tesla齊齊合作，提供賣車兼專為Tesla車主提供車保嘅一條龍服務，部Tesla有咩Hi花損傷，固之然有得保；如果個電動車叉電器壞咗，或者叉叉吓電爆炸而整傷人，原來都有得保喎。
車主入院 寵物有人照顧
絲絲覺得最趣致嘅係，如果Tesla車主大吉利是撞車入咗院，要畀錢請人照顧屋企嘅喵星人同汪星人（即係閣下屋企嘅貓公主狗大帝），又或者位大吉利是車主因為意外入院，而Miss（錯過）咗Book（訂）咗九年先買到嘅演唱會飛、棟篤笑飛咁，呢啲額外支出都一樣有得保喎。咁保費幾多錢先？要視乎唔同車種同埋車主嘅駕駛紀錄諸如此類諸如此類。
嗰車保聽落幾吸引，噢，絲絲嗰架唔係Tesla添！
余絲韻