絲絲講場：金管局副總裁會縮一個
金管局副總裁彭醒棠（Peter）明年二月就退休，金管局乘勢大執位，兼改埋個架構。
新設「高級助理總裁」
助理總裁李達志（Howard）等四位高層「紮職」。嗱，亮點係，依家金管局有3個副總裁，Peter退下火線之後，就會變咗得番副總裁阮國恒同余偉文嘅「雙巨頭」制。
聽聞因為營運需要，雖然冇咗一個副總裁，但分別會由Howard同按證總裁李令翔升任新設職位「高級助理總裁」，而陳景宏同李樹培就齊齊升做助理總裁。
市場睇好Howard係金管局明日之星，除咗佢當年面對傳媒時為人風趣，佢亦處理過唔少技術性棘手問題，聽聞佢會接手Peter唔少職務。
余絲韻