絲絲講場：中金上市前總裁搶風頭
中金公司（03908）尋日上市儀式，捧場嘉賓來頭相當唔嘢小。中金總裁畢明建及各管理層當然喺度，連之前冇出席招股記者會嘅中金董事長丁學東尋日都有到場，仲有港交所（00388）主席周松崗同中央證券董事總經理鍾絳虹都有到場支持；最令人意外嘅係，舊年突然辭任中金總裁嘅朱雲來尋日都現身撐場。
在場人士爭住Selfie
朱雲來既係中金前總裁，又係前國務院總理朱鎔基長子，在場人士都爭住搵佢合照同Selfie，佢幾乎有求必應，仲話今次專登嚟捧中金場。至於佢近排忙咩，佢只係話「看看經濟，研究研究」咁話。
咁多猛人撐場，中金首掛表現亦真係唔錯，收報11.04元，較招股價升7.39%。
余絲韻