絲絲講場：WhatsApp50人睇晒九億用戶
9億用戶，被facebook（fb）以190億美元收購，但團隊迄今仍維持50人嘅規模。他們是怎麼做到嘅呢？科技雜誌《連線》啱啱就訪問咗即時通訊App 巨人WhatsApp嘅聯合創始人Brian Acton同埋Jan Koum。
最like朱仔無為而治
WhatsApp聯合創始人之一嘅Brian回想，早喺一○年開始創辦時，佢哋策略之一就係跟當地流動電話商合作，在手機上預裝app。而WhatsApp之所以能夠說服對方，皆因他們本身都理解到數據業務對未來嘅重要性，希望將來能創造更多流量使用和用戶。而WhatsApp係實現此目標一個很好嘅跳板。
絲絲心諗，好多初創明星企業都好有興趣知，又或者質疑，為何WhatsApp用戶到9億了，公司還是只有50人，究竟係點樣做得到？呢方面，Jan就笑言，盡可能找到最叻嘅人才，找有工程師思維嘅人，聚焦核心能力開發，盡量壓低營運成本（用高質量硬件，減少Server數量，盡量不影響員工生產力，極簡文化）。
咁畀fb收購後，其實有咩嘢最大得益呢？這方面Brian和Jan異口同聲咁話，fb嘅老闆朱克伯格同埋營運總監桑德伯格最抵讚嘅就係唔理我哋，任由我哋自己做自己嘅嘢，佢哋兩個信任我們，無畀壓力我哋，只會鼓勵我哋發展，呢種做法值得畀個like。
余絲韻