依家生意難做，就算係滙控（00005），為咗拉生意，都要行政總裁歐智華親身上陣。不過今次呢單Deal又係非同小可嘅，全球最大啤酒商安海斯布希英博（AB InBev）有心買全球第二大嘅SABMiller（估值超過1,000億美金！），銀行幫手處理交易手續，求其分得少少肉碎都哈哈哈啦。
聽講呢單巨Deal要融資成700億美金，一向鐘意同客仔直接溝通嘅歐智華亦有意爭做融資行，而美國銀行、巴克萊及西班牙國家銀行都表示有興趣，銀行做得成呢單生意嘅話，一定要買返支Stella Artois（AB InBev出品）同雪花啤酒（SABMiller出品）啤一啤！
余絲韻