樂壇、影壇有終身成就獎，財經界都有？有o架，就係證券及投資學會一年一度頒授嘅榮譽資深會員資格。呢個有財經界終身成就獎之稱嘅銜頭，今年會頒畀財經事務及庫務局前常任秘書長區璟智。
區璟智舊年聖誕節退休，依家無官一身輕，做「協青社」會長，專幫啲迷失青年重回正途。
呢個成就獎，今年已係第十一屆，儀式將會喺十月舉行。過往十年，得獎嘅全部係重量級人馬，大部分都係監管機構前阿頭，喺退任後頒畀佢哋，表揚佢哋任內貢獻。咁嚟緊仲有乜人大熱？斷估證監會前副行政總裁張灼華係大熱之一啦！
余絲韻