期指觀瀾:風高浪急小注試沽

恒指上周五雖然收市跌347點,報22,409點,但即市都略有反彈,而期指日間收報22,488點,跌178點,都仲講緊高水78點,豈料夜期已經進入地獄!夜期跌到落22,050點,跌多438點,即時轉低水360點。

最大鑊係,如日市開了好倉未走,今次仲「好戲在後頭」!事關歐股跌到七彩,美股上周五晚三大指數均跌逾3%,按ADR計其實恒指已經跌穿22,000點。近排中港股市大跌,然後環球再現大跌市,加埋南北韓局勢緊張,種種因素都不利資金入場。既然環球風高浪急,若見今日期指低開唔多,或者反彈到22,400至22,500點左右,反而可以四分一資金試沽,博跟環球跌市走一轉,最多抽穿22,600點止蝕。

John Mullen