對沖國度：娛樂股好景大條道理
「我自己係fans梗係有意義啦。呢啲外行人識條鐵咩！」最近動漫節期間，傳媒追訪一名買得心頭好首辦模型的男子，得到以上答案。
如自己遲廿年出世，瘋狂程度和他相比只會有過之而無不及。那些年自己初出茅廬，大學生競爭少機會多，中高層移民潮，上位容易，都尚且熱愛動漫。今時今日大學生通街都係，畢業後伴隨學位的原來是一身債，中高層化石一樣死都唔走，仲有大班來自內地的畢業生參與競爭，樓價還要天咁高。香港年輕一輩壓力大，沉醉動漫世界，以收藏品展現成就，絕對是理所當然。
在知識型經濟兼且全球化之下，社會發展愈來愈畸形，大部分財富集中在極少數精英手中。少數年輕人會嘗試憑創意或科技去殺出血路，但絕大部分都只是甘於做社會中一個小齒輪，甚至成為所謂毒男。生活長期充滿壓迫感，是極之需要渠道去紓解精神上的壓抑，難怪動漫節銷售年年創新高。
作為投資者，不應該批判。正確的做法是因勢利導，順應這種社會現象投資。
娛樂股興起背後是大條道理，這種生意根本是長做長有，動漫人物這種知識產權可愛之處，是不會行差踏錯，亦不會開口要求加薪，反而產品卻愈可以愈賣愈貴。因此迪士尼（DIS）以及跟隨迪士尼步伐搵食的公司，包括孩之寶（HAS）及Electronic Arts（EA）等，是應該作為長線核心持股。當生活愈來愈壓迫，它們的前景就愈來愈好。
豐盛金融資產管理董事 黃國英（作者為註冊持牌人士，基金持有DIS、HAS及EA）