山水水泥（00691）畀天瑞出其不意做咗大股東，搞到公司唔夠公眾持股而要停牌之餘，仲幾乎上演一場股東內訌。尋日山水水泥召開股東特別大會，結果全部罷免現任董事議案都遭高票否決，董事長張斌陣營暫時贏咗一仗。
有趣嘅係，罷免現任董事嘅議案係大股東天瑞提出嘅，不過天瑞早幾日前忽然「彈弓手」收番罷免提議，但股東會表決無因為咁而取消。睇番尋日嘅投票結果，罷免案畀超過99.9%票數否決，仲有10億股嘅股份無投到票，令人懷疑作為大股東嘅天瑞係咪無投到票。
余絲韻