做錯嘢梗要受罰，好似滙控咁，之前因為涉嫌幫拉美毒犯洗黑錢，畀美國罰成19億美金（約148億港元）。美國之所以四圍捉啲金融機構嚟罰，皆因等錢使？
聽講話，罰咗滙控嗰19億美元，其中8.7億美元納入咗財政分享計劃（Treasury Sharing Program），靜靜咁分畀之前有份查滙控嘅公共機關，美國檢察部、警察部、港務局、緝毒部門全部都有錢分。
國庫機構分到最多，袋5.8億美元；其次就係皇后區嘅檢察部，1.1億美元「分紅」等於佢哋超過兩年嘅Budget，連檢察官都話，筆錢可以用嚟置新Office，唔使咁逼。調查辛苦咗成5,000個鐘，都有番啲回報。