內地人唔吼iPhone，Apple有幾大鑊？Apple舊年營業額中，有17%係中國市場貢獻。
Tesla都受波及
另外，上季iPhone喺中國嘅銷量仲首次超過美國，做咗No.1，連Apple舵手庫克早排都要開個中文微博嚟冧中國粉絲，就知中國市場對Apple有幾重要。
今次大鑊，仲可能有電動車Tesla，之前啲內地年輕才俊，就算無充電站配合，都一樣一架架Model S咁買，事關佢哋當架電車係配合身份同品味嘅玩具。今次，唔少呢類才俊可能已經被困喺個A股廢墟，坐咗艇唔再坐車。若呢啲IT玩具無人吼，睇嚟晶片生產商，今回最難過。
余絲韻