絲絲講場：萬通名副其實保一世
日本人出名長命，有百歲人瑞都唔算係咩新聞，但可惜市面上嘅年金保險產品一般都係保到100歲，即係話如果太長命，過咗100歲就無得再拎年金喇！
NWB合作港吸日本客
所以，剛四月初先拎到有限制銀行牌照嘅日本銀行Nippon Wealth Limited（NWB），就決定搵美國萬通亞洲做Partner，事關佢地隻年金夠晒長命，真係保足一世，最適合佢哋班居港日本高端客。
美國萬通亞洲常務董事兼總裁鄭慶藩（KP）就話，佢哋隻保一世年金可以話係市場獨有，喺NWB賣咗一個月左右，已經做咗成千萬生意。雖然香港大概只得二萬名旅港日本人，但唔少都係富戶，好似NWB班客一年保費平均供成50萬港紙！而且日本人最信朋友，一個傳一個下，KP都好有信心可以滲透成個市場，下一步仲可以吸引喺新加坡、泰國等地嘅日本人嚟香港買保險添！
余絲韻