老行尊睇好港交所
中長線可升至400蚊：同樣早於兩所合併時獲發港交所股份的殿堂級經紀、眾利股票主席董偉稱：「睇好（港交所）前景就一定o架啦，香港得佢一個經營者，無第二間」。他強調未有考慮沽出或增持，並重申繼續看好股價中長線可升至400元，但500元則認為太誇張，「我睇唔到（有可能）」。
做孖展按揭成數高
股壇老行尊張天生：「前景係好，但股價可否去到400元？好難講，因為當真係去到400元，投資者買咗，又睇幾多呢？係見仁見智，自己計自己數！」會否有顯著調整？「一定有咁可能，依家啲機構做港交所孖展，按揭成數比較高，可按7至8成，又多人鍾意炒港交所，所以波動好大。」
多次買賣預揸成世
中潤證券主席蔡陳葆心（蔡太），早於當年兩所合併上市時獲發股份，多年間雖曾多次買進賣出，但至今仍持有部分股份。她直言，「我對佢（港交所）有感情，唔係拎嚟炒，係拎嚟揸，會揸成世，除非世界末日啦」。
港交所（00388）股價近日徘徊約280元水平。蔡太認為，在中港股市融合、推動港交所日均成交大增的情況下，「（股價）重上300蚊絕對冇問題，只係時間問題」，甚至相信有機會衝上個別大行看的400、500元「牛價」。不過，她稱會待股價回落至約250元才考慮增持。