奧尼爾接任英商務大臣
奧尼爾當然清楚俄羅斯想點，但話晒幾個「金磚國」都係經濟增長潛力龐大，啱啱再陷入衰退嘅希臘點睇都唔似，俄羅斯畀佢入金磚銀行，等於賜封佢做「金磚國」，豈不是違背奧尼爾嘅初衷？況且希臘斗零都冇仲周身債，點出資加入金磚銀行？其他成員國無乜理由會侵希臘玩囉。
不過算啦，奧尼爾呢幾日獲英國財政部委任做商務大臣，雖然冇人工，但有得同時進身貴族同上議院議員喎。更值得慶賀嘅係，佢將會領導城市發展委員會，振興北部城市經濟，事關佢本身就喺英格蘭北部重鎮曼徹斯特附近長大，係曼聯忠實擁躉添。奧尼爾曾經講過，英國經濟旨意晒倫敦嘅模式已經玩完，今次仲唔一展抱負！
余絲韻