又係電動車企業Tesla老闆馬斯克（Elon Musk）呀，尋日又有佢嘅料流出啦。今次話佢經常去Google創辦人之一嘅佩奇（Larry Page）屋企過夜。
絲絲記得，佩奇曾經喺TED大會演講時講過，若自己第時過身，可能會將幾百億美元遺產交晒畀馬斯克打理。兩位感情好到呢。
呢個「過夜傳聞」，又係來自下星期出版嗰本關於馬斯克嘅新書。入面提到馬斯克雖然身家超過130億美元，又係科技界行得超前，但佢喺硅谷竟然無樓！所以每次去親，都會Email好兄弟佩奇話「今晚唔知瞓邊，可以去你度？」嗱，佩奇講明，雖然馬斯克經常嚟過夜，但無畀屋企條匙馬斯克揸手。「能成為密友大概總帶着愛」？唔知呢。
余絲韻