絲絲講場：Derek去西藏唔使入氧氣吧
永隆助理總經理及零售銀行部主管鍾少權（Derek）尋日出席午宴，容光煥發，原來之前去咗西藏拉薩叉電。
Derek平時都有做開運動，佢話去到西藏完全冇高山反應，皆因旅行期間放慢步伐感受西藏嘅自然美，仲好自豪咁話唔使去氧吧度吸氧添！不過話晒都係西藏，Derek話搭火車個陣，差啲以為唔見咗回鄉證，一個激動就立即有少少頭痛。
近期有大刁 精神爽利
計絲絲話，Derek唔使頭痛喎，皆因永隆出晒名積極吸人仔定存，近期就有單筆大嗱嗱10億嘅人仔，由其他中小型銀行搬去永隆，聽講永隆舊年底至今年四月嘅存款量增幅達兩位數字。睇嚟Derek有排都會容光煥發。
余絲韻