阿里健康（00241）尋日委任咗兩位重頭人物，就係搵咗「東邪」出任新主席兼非執董，仲搵埋「昆陽」（即係張三丰個別號）出任首席執行官兼執董。
堅o架，「東邪」係阿里巴巴創辦人之一吳泳銘嘅綽號，「東邪」除咗係現任阿里巴巴資深副總裁，亦係馬雲嘅特別助理，之前佢亦曾經做過阿里巴巴搜索業務、廣告業務及無線業務嘅揸旗人。至於「昆陽」，就係做過阿里淘點點事業部總經理嗰位王磊嘅朵。
阿里巴巴主席馬雲出晒名愛武俠小說，甚至以金庸《笑傲江湖》中嘅一代宗師「風清揚」自居，旗下員工入職時都要揀個武俠中人嘅名做綽號，每個綽號都會登記喺公司系統，包唔撞名，同事之間係公司內聯系統都係互相以綽號稱呼。咦，「東邪」與「昆陽」好似完全唔同派別喎！
余絲韻
