信誠證券日前搞春茗聯歡晚會，嗱，抽獎、遊戲、明星獻唱呢啲，絲絲往年都見慣晒。但今年唔見隻醒獅出嚟嘅？咦，轉咗玩航拍助興！果然與時並進。
今次信誠喺春茗首次用航拍進行亮燈儀式。即係點？即係將螢光棒裝喺航拍飛機上，隻航拍機亦經過精心設計，即係用揮春紅紙包到紅噹噹。總之寓意「生生猛猛、愈升愈有」。咁有新意嘅春茗，絲絲都係第一次見，可惜大家冇得親眼見到，用啲想像力吧。
絲絲所知，信誠一直有做緊滬港通，咁深港通呢？信誠證券董事總經理劉昇昂話會研究深圳股票板塊，亦會搞多啲講座。劉老闆仲話，唔好等商機喺你面前經過幾次先察覺到，要喺嚟之前早就研究好點做。
余絲韻
