絲絲講場：澤西島唔止金融旺 養牛都掂
澤西金融發展局剛喺香港搞春茗，絲絲都去咗。你未聽過澤西島？咁長和系嘅新註冊地開曼群島聽過吧，澤西島同開曼群島好類似，都係全球出名嘅避稅天堂。
咪睇澤西島仔細細，連前金管局副總裁簡達恒退休之後，都擔任過澤西島嘅金融服務監理會總監。
牛仔細細 出名Creamy
澤西金融發展局行政總裁Geoff Cook話，澤西島除咗係「金融重地」之外，畜牧業亦都好蓬勃，而當地最出名嘅係「好Creamy」嘅澤西牛。
Geoff仲話，澤西牛雖然細細隻，但牛奶美味兼營養豐富，島民仲透過澤西金發局，將啲牛捐贈畀非洲盧旺達等地，令非洲嘅小朋友一樣飲到美味牛奶。嗱，今日起識多個澤西島喇！
余絲韻