港交所份薪酬委員會報告披露，獨立顧問建議今年度將主席酬金加到210萬元，仍要喺今年四月二十九日舉行嘅股東周年大會（AGM）上通過。
周松崗舊年收取嘅袍金總額達236萬元，按年上升23%，若果建議獲得通過嘅話，今年收取嘅總袍金肯定更「和味」！
小加花紅先和味
睇番周松崗嘅前任夏佳理，卸任前嘅主席袍金係55萬元；李業廣由00年至02年更加冇收過酬金。但時而世易，港交所依家塊餅大咗咁多，又收購埋LME（倫敦金屬交易所），主席工作量大過以前好多。
李小加都有人工加，底薪由865萬元加至900萬元，升4%。不過底薪只係濕濕碎，人工最大嗰部分係花紅同股份，動輒幾千萬元o架！
余絲韻