雷軍間唔中會化身Angel向初創公司投資。原來佢自有一套中國式投資心得︰就係「不熟不投」同「只投人」。雷軍認為目前中國大把創意，「缺的是執行力」，所以他講明「不在乎你的項目是甚麼」，投資時一律只睇人，而且「只投熟人及熟人的熟人」。
咁邊啲先算「熟人及熟人的熟人」？UC優視俞永福就夠班入圍，往年UC優視獲阿里巴巴全數收購，有指交易估值大約38億美元，原來雷軍早於○六年已向UC集團注資，所以阿里今次收購應該帶挈雷軍進帳不少。
另外，雷軍一向關注Apple，連營商手法同喬布斯時期嘅Apple都好似，有內地媒體索性叫佢做「雷布斯」。不過「雷布斯」今次移情別戀轉玩運動相機，小米昨日公布推出小蟻運動相機。雖然規格未及運動相機王者GoPro，但GoPro入門機款都要過千港元，而基本版小蟻只索價399人仔。有得玩，肯唔肯袋住先？
電動車近排大熱，有傳連Apple都着手研發，小米又會否緊隨加入電動車大軍？「雷布斯」現聲稱話「未來三五年之內不會做」喎。真的嗎？
余絲韻