為環保要物盡其用
梁太笑笑口話，係為咗環保，「以前未用晒，丟咗太可惜」。照絲絲睇，梁太除咗落手落腳發展銀行業務之外，仲會將「企業社會責任」（CSR）理念帶入創銀文化中。
梁太念舊又何只咁簡單。佢加入創銀後首度宴請幾位相熟傳媒嗰次，絲絲都有去，梁太當時就話，佢過檔創銀仲帶埋恒生幾個大廚一齊過去，所以創銀嘅廚房菜式帶有恒生風味。絲絲試過，無花無假。
加人仔存息講意頭
創銀今次推出4.18厘高息定存，絲絲第一時間向梁太八多幾句。梁太話，佢哋定利息時，原來仲會考慮埋「意頭」，今次創銀將一年期人民幣定存年息由「3.88」厘上調至「4.18」厘，兩個數字都有吉祥寓意，果然別出心裁。
余絲韻