絲絲講場：小加領呔「羊羊」自得

「係貌似狗嘅羊」

絲絲仲發現小加戴咗條花碌碌領呔，近睇原來係好多隻狗仔玩皮球。不過，小加就堅稱領呔上面嘅只係貌似狗嘅羊，唔通小加想「指狗為羊」？

絲絲記得舊年開市周松崗同李小加都係戴金黃色領呔，今年就齊齊揀咗紅色領呔，小加條呔仲有多隻「羊仔」玩球嘅圖案，非常趣致，唔知係咪寓意貨如輪轉呢？

運財童子鼓舞旺場

今年開市儀式除咗邀請多位證券界人士出席，仲請嚟英華小學嘅學生表演中國鼓樂，寓意朝氣勃勃同充滿活力。近廿位中國鼓隊嘅小朋友表演由該校創作編排嘅曲目《鼓舞飛揚》，為現場增添唔少喜慶氣氛！

余絲韻