絲絲講場：星展過肥年派逾億利是
星展盈利創新高，向18,000名員工派逾億元「利是」，星展香港副總裁及以下員工每人獲派6,000蚊。而星展對金童玉女，第9年喺利是封出現，佢哋隨利是封長大，今年9歲喇。呢對公仔仲親自落咗4間香港分行派利是添。絲絲睇住佢哋大，唔經唔覺就9年。
呢對小朋友出名可愛，喺家長們心中相當有地位。佢哋其實有名：囡囡叫「星」，囝囝叫「展」，第一年喺利是封出現時仲係BB仔BB女，家陣9歲，拎住揮春拜年，真係一直陪住大家成長。
香港員工人人六千
星展集團愈來愈好賺，集團同星展香港嘅盈利，上年都創新高，星展向所有副總裁及以下香港員工派6,000蚊，新加坡員工就每人1,000坡元，總共有18,000人有大利是收，總額超過一億港元。
余絲韻