絲絲講場：馬雲唔收貨 夥計無紅包

鞭策員工 居安思危

阿里舊年成功上市，外界原本預期阿里員工會好似之前兩年一樣，獲額外紅包獎賞。點知，馬雲發信同員工講，阿里除咗上市之外，舊年成績客觀嚟講，並未滿意到可以發紅包。佢又話無論喺電商、雲計算或物流方面，阿里原本可以做得更好。佢又提醒員工，必須客觀冷靜看待自己嘅成績，唔好迷失於虛幻之中。

雖然無年終紅包，但阿里早講好嘅年薪有十三個月糧，好彩仍未消失於虛幻中，而真正嘅年終花紅亦會按照慣例於年結後，喺四月按表現考核作檢討。睇嚟，阿里員工只要繼續努力，馬雲呢位強調以「客戶第一、員工第二、投資者第三」嘅老闆，應該唔會再令員工失望，啩？

余絲韻