深井背山面海，近年更變身成美食小區，即使沒有港鐵接駁，也深得換樓客歡心。這帶的低水盤首推海韻花園，地處深井最旺位置，歎馳名燒鵝行兩步就到，而且屋苑自設商場，樓下有巴士站，起居生活就腳方便。
屋苑雖然樓齡23年，但會所配套並不失禮，園林泳池更充滿度假Feel，一家大細盡享悠閒時光。海韻花園5座大廈一字排開，早年享海景，但後來因景觀被碧堤半島等新進臨海屋苑阻擋，以至樓價長期落後大市。
利嘉閣姚頌溏稱，現時交吉入門盤為5座低層D室，實用面積631方呎，叫490萬元，實用呎價7,765元，開價平通深井，比實呎動輒8,500餘元的浪翠園三房盤平一截。