絲絲講場：上商大電視同市場互動

絲絲平日最怕入到銀行冷冰冰，但尋日參觀咗上商新裝修嘅銅鑼灣總統分行e-Corner，發現新設計好Cyber之餘，仲多咗一塊5米長嘅互動感應電視幕牆，用手掃兩掃就見到晒絲絲最關心嘅港股報價、定存息等等，另外仲有財經新聞同各地天氣睇，完全擺脫晒銀行刻板嘅形象！

絲絲見到上商出動到成班高層董事主持開幕禮，就知道呢塊大型平板電腦絕對唔可以睇小。除咗董事長榮智權、行政總裁郭錫志出嚟潮撐之外，新上任嘅財資總監黎健生都借呢次機會見一見傳媒。

郭生仲靜靜雞同絲絲講，今次豪裝夾埋使咗近500萬，先做到全港第一間有互動感應電視幕牆嘅銀行，另外仲特登請咗一個靚靚E-embassador Annie，負責教吓班客戶用電視幕牆搵着數優惠，真係貼心！

上商產品拓展部主管陳志偉仲話，為咗慶祝新開張，依家總統分行客人做一個月港元定期，特惠年息有1.4厘，而基金認購費都係1%咋。

余絲韻