獨立分析師早估中
舊年十二月瑞士央行宣布執行負利率，兼重申捍衞瑞郎兌歐元匯率上限。嗰時有50位接受通訊社訪問嘅分析師中，49位都預期歐元兌瑞郎會維持喺1.20嘅水平，係得申克爾估瑞郎會升值至兌歐元1.18。
申克爾接受訪問時表示，佢做嘅預測係基於整體歐元同瑞郎嘅走勢令匯率上限難以持續。佢亦預測，歐元區如果執行量寬政策嘅話，周邊經濟體都將會受益，英鎊兌歐元都將會升值。
呢位仁兄其實大有來頭，佢唔止成日接受《華爾街日報》等媒體嘅訪問，仲曾獲選為全球預測最準確嘅分析師之一。
佢創立Prestige Economics之前，曾喺麥肯錫做過風險專家同高級顧問。
余絲韻