可口可樂銷情重挫，第三季盈利按年跌咗成14%，公司隨即出招救亡，繼先前推出品牌Fairlife賣牛奶開闢新財源，可口可樂仲決定喺未來5年勁慳30億美元，首當其衝嘅係今年公司聖誕Party冇得豪花錢。
大拿拿30億，邊度慳出嚟？單係Cut公司個語音電郵功能就即慳10萬美元。人手方面，據絲絲了解，可口可樂總部同全球區域辦事處最少裁員10%，員工最快明年一月中收到「大信封」。
另外，公司又會Cut高層津貼，想好似以前咁有高級Limo接送同豪搞聖誕Party？No way，諗都唔使諗！
股神巴菲特成日話會長揸可口可樂，視之為「非賣品」，不過近期可口可樂業績表現平平，仲連累股神旗下巴郡投資組合錄得虧損，希望今鋪佢唔會蝕太多，要好似可口可樂高層咁，大家慳住過聖誕啦。
余絲韻