內地互聯網嘅商機潛力不斷擴大，騰訊（00700）旗下微信活躍用戶4億幾人，引嚟唔少跨界合作，最近唔單只匯源果汁（01886）睇中騰訊嘅號召力，連綠地集團都決定同騰訊聯手，微信用戶喺網上買果汁送到上門之外，喺網上入籌認購綠地住宅項目都得。
匯源果汁藉贊助騰訊視訊音樂直播節目，希望觀眾透過手機微信掃一掃匯源產品包裝嘅條碼，就可以經「微店」選購果汁送到手中。
綠地集團就有意打破以往推銷項目嘅形式，當微信用戶關注「綠地會」，通過「微媒體」會員平台就可以參與綠地項目嘅推廣，介紹新客參觀項目有積分獎勵，成交咗仲有豐厚回報咁話。
如果匯源果汁同綠地集團無計錯數，騰訊今次點計都有賺，但係用戶點計都係大贏家！
余絲韻