服務近19年真長情
絲絲唔多信，Tainwala好認真咁重申，升咗做CEO之後，其實做嘅嘢同依家差唔多，而且公司好多決定都係董事會同埋管理層一齊傾出嚟，所以佢只係繼續執行既定計劃同方向。佢仲話自己喺新秀麗咁多年，主席Tim Parker都畀咗好多支持，公司亦有好多好同事幫手，所以佢覺得自己好幸運地得到好多機會。
其實Tainwala都好長情，佢喺九五年已經加入新秀麗，到今年三月升任COO，已經為接任CEO做足準備。至於Parker，聽講佢會花多啲時間喺英國慈善機構National Trust。
余絲韻