《Unbroken》呢部小說，電影版喺聖誕就上映，執導嘅仲係荷里活著名女星Angelina Jolie，身為基督徒兼熱衷馬拉松嘅恒生銀行（00011）傳訊及企業可持續發展總監張樹槐（Walter），對小說主角路易（Louis Zamperini）嘅敬佩不限於佢嘅跑步成就，而係佢逆境求生嘅無限勇氣、對信仰嘅堅持，仲有超越常人嘅寬恕心。既然咁觸動Walter，佢仲寫咗篇文章喺網上發表。
路易小時係小偷，跑步快到畀人睇中做奧運跑手，佢參加一九三六年德國奧運，雖然冇金牌，但標青到畀希特拉激讚，一九四○年東京奧運會遇着二次大戰，佢就同奧運擦身而過，冇緣爭金。之後做咗戰俘，更不幸就是畀集中營內最兇殘嘅軍人渡邊睦弘盯上，之後下場慘到不得了。
戰後路易自由，憑跑步同信仰戰勝怨恨。Walter對路易嘅故事感受好深，難怪佢幫老友個網寫文章，第一篇就揀咗呢個題材。
主角路易曾係美國尚存年紀最大嘅奧運會賽跑選手，喺今年七月初以97歲高齡逝世，佢嘅一生實在好Inspiring。
余絲韻