期指觀瀾:月底目標睇26000

經歷上周三挾淡友急升568點後,已預料港股短期需要時間先作出整固,期指玩家有時間整理一下思緒,想想九月中後旬的策略。

唔少看官亦感受到七月開始的港股升浪,極為側重個別重磅藍籌,如內地三大電訊股及本地地產股,其他股份猶如被基金經理視而不見一樣。

年初至今恒指累積升幅8.1%,恒指中型股指數升幅不到1%,仲可以話熱錢炒大唔炒細。但睇見由中資金融股包括四大行及內險股組成的中國H股金融行業指數,仲係原地踏步,可見恒指如果要從25,000點進一步突破,資金分流到其他股份,尤其是在指數比重唔細的中資金融股,甚為重要。倒過來說,筆者不反對期指好友,博冷門把部分注碼轉投內銀內險股,因預期效果相若,但相比回吐風險可能較細。

另外,恒指雖然只係啱啱升穿25,000點的大型上落區頂部,但今年恒指月均波幅,卻一直維持在千點以上,除「六絕月」罕有595點波幅外,月均波幅1,413點,介乎1,053至1,789點(分別是八月及二月),如果憧憬十月滬港通開車,九月是先低後高的走勢,以上周初低位24,576點為基礎,樂觀估計,月底要見26,000點,並非絕無可能。

John Mullen