絲絲講場：維達紙巾搞埋Fashion？

不過呢兩樣物料都好似唔多舒服咁，如果好似維達（03331）咁用啲軟身紙巾造衫應該好着啲，不過件衫唔洗得，同埋落大雨嗰陣唔知會點呢？

紙巾裙掂 下次西裝

維達尋日攞咗條細路女裙仔畀大家欣賞，睇真啲原來係用紙巾整出嚟，行政總裁張東方話，小Model曾經着過條裙仔做宣傳活動，喺內地有過億Click rate。見外界都幾Like，覺得幾幫到個品牌，佢話未來會繼續諗新嘢去吸引吓大家注意喎。

絲絲驚住大熱天時，大汗得滯會整溶條裙，咪醜死鬼！李朝旺話啲紙巾連撈金魚都得，大汗算得係乜？佢講笑話下次考慮吓用白馬王子Look見記者，就係用紙巾整套白色西裝。