新城市規劃振雄風
三個幾星期前，因為杜拜央行對房地產泡沫發出警告，包括Arabtec Holding在內嘅地產股急挫，杜拜DFM General指數喺上月二十三日收市價較歷史峰值高位下挫20%，令股民深刻感受到熊市中股票大冧嘅慘痛，杜拜股市直墜技術性熊市區域。不過，原來好戲在後頭。
喺杜拜股市中，比例權重位居前列嘅Arabtec喺七月初有明朗化消息，加上杜拜發布新城市規劃，話有意打造全城空調控溫嘅迷你城市後，杜拜DFM General指數就迅速收復失地，仲推升至牛市區間。雖然有見慣大場面嘅股場老手對呢場波浪表現淡定，將六月份嘅教訓拋諸腦後，但大家對今次反彈可以持續幾耐都無一定把握。
余絲韻