絲絲一向唔夠膽網購鞋類，Maggie仲要係買高踭鞋，果然藝高人膽大，Maggie話為咗隆重其事，配合番個活動啫。佢好坦言咁話，新鞋始終有啲刮腳，不過計絲絲話，一套黑白色連身裙加上白色尖頭高踭鞋，效果咁好，咩都抵番晒！
飲食會籍名額勢搶手
花旗新推出Gourmet Pleasures Plus飲食會籍，畀佢哋嘅白金卡或以上客戶，等客戶去某啲高級食府食飯嘅時候，都可以享有折扣優惠。
Maggie話香港人識飲識食，亦好肯畀錢買優質服務，佢哋上年推出嘅黑卡，年費成2萬幾蚊，點知發卡量仲好過預期嘅4倍，所以對新推嘅餐飲會籍充滿信心，估計5,000個名額好快滿。
余絲韻