相傳喺十五世紀嗰陣有吸血鬼被困咗喺德古拉城堡幾個月，當夜幕降臨嗰陣就會出嚟「兇」睡夢中嘅村民，當然呢個只係傳說喇，但德古拉城堡的確有一個扣人心弦嘅故事嘅！
門票年收入近三千萬
傳說雖然恐怖，但每年就吸引到來自全球56萬人參觀城堡，以入場費4英鎊計，即係每年門票收入都有224萬英鎊（約2,920萬港元），淨係門票收入都夠晒和味！最近擁有城堡權益嘅三位德古拉後人，因為年屆70幾歲，無力打理城堡，建議羅馬尼亞政府以4,700萬英鎊「國有化」德古拉城堡。
絲絲覺得，收購價計落只不過約20年嘅門票收入，羅馬尼亞政府無理由放棄這呢一個好投資機會。
余絲韻