對於講求生活便捷的上車客來說，坐落馬鞍山市中心的新港城可說是首選。屋苑分五期發展，不但是區內規模最大私人屋苑，各期更圍繞馬鞍山站而建，住戶可經行人天橋直入港鐵大堂，全程有瓦遮頭，即使黑雨都「無有怕」。而屋苑的基座設有大型商場，Shopping、睇戲可謂行兩步就到。
雖然屋苑坐擁鐵路及市中心之便利，但由於主攻細單位，樓價向來親民，長期成上車客熱選。
美聯徐永成表示，上月屋苑勁錄17宗成交後，匙盤有減半情況，現時入門盤為2期D座低層3室兩房戶，建築/實用面積406/322方呎，全屋無窗台，實用率是各期之冠，業主原先收租「唔憂賣」，近期趁租客搬走以325萬元放售，平通馬鞍山私樓。