減辣谷旺二手睇樓飆10%
政府主動減辣，二手樓市明顯升溫，今、明兩日二手樓市氣氛轉熾。代理行指出，十大屋苑期內預約睇樓量升逾10%，鰂魚涌太古城同期睇樓量更勁升20%。用家出動掃細價樓，以295萬元購天水圍嘉湖山莊兩房戶，料為今年屋苑最貴兩房戶。另收租客亦重新出手，以約391.5萬元購入東涌藍天海岸一房戶收租，另付約17萬元雙倍印花稅。
中原陳永傑稱，政府提出技術性修訂雙倍印花稅（DSD），帶動樓市氣氛，二手屋苑近日交投上升，買家睇樓積極。該行稱，十大屋苑今、明兩日錄約765組預約睇樓，按周顯著回升約10.9%。該行趙鴻運表示，太古城本周末預約睇樓量按周升約20%，本月已錄約17宗買賣。
用家無睇樓買第一城
該行續指出，太古城本月錄5宗連約成交，屋苑寧安閣高層G室，累減102萬元後，連租約售698萬元。
至於細價樓，美聯黃錦瀚稱，沙田第一城缺盤下，本周末預約睇樓量按周升約8.3%，近日有用家無樓睇仍入市，如44座低層H室，上車客無睇樓，即以約310萬元購入，實用呎價約1.02萬元。該行黎燦強稱，嘉湖山莊本周末預約睇樓量，按周升約14.3%。
樓價再度向上，中原謝明亮稱，嘉湖山莊樂湖居13座高層E室，實用面積約448方呎，用家見政府減辣，即以295萬元入市，實用呎價約6,585元，高市價約9%。世紀21奇豐梁榮貴稱，馬鞍山近日連錄成交，有早前沽貨租樓買家，見辣招修訂，即再入市，以約700萬元購入區內嵐岸5座高層B室，較上月底同類成交升價約9%。
豪宅銀主放盤不斷湧現，馬鞍山嵐岸1座其中E、F室，總建築面積約2,392方呎，以1,780萬元放售 ，平均建築呎價約7,441元，貼近個別銀行估價。
帝堡城放盤一日即沽
中原稱，東涌前日單日錄6宗買賣，投資者看好後市，即以約391.5萬元購入藍天海岸6座高層F室收租，另付約17.6萬元DSD。已持有屯門麗寶大廈單位收租業主，無睇樓即以約177.8萬元增購該廈中層D室收租，實用呎價約7,471元，屬低市價，另付約2.7萬元DSD。
各區買家續搶盤。該行稱，沙田帝堡城5座高層A室，放盤一日即售558萬元；粉嶺牽晴間本月錄14宗買賣，其中2座高層A室，放盤一日內即售334萬元。利嘉閣稱，元朗YOHO Town第9座高層A室，無樓睇仍售383.8萬元。