絲絲講場：小米Pad擺明鬥吋

中國內地嘅手機品牌小米一進軍香港，就打破咗三星同蘋果公司壟斷本地手機市場嘅局面。小米嘅產品一浪接住一浪，嚟緊周四小米新產品發布會上，仲有可能推出首款小米平板電腦MiPad，唔知中文名稱會否叫做「米板」呢？

市場消息指小米繼三月推出5.5英吋嘅智能手機後，將會推出埋7.9英吋嘅平板電腦，同iPad mini差唔多大細，擺明挑戰三星嘅Galaxy Tab同蘋果嘅iPad。

仲有傳小米連配件都訂好晒，由日本知名品牌Sharp生產屏幕，質素一定有相當保證。

Sharp出名生產靚芒，今次就肯同小米生產板腦屏幕，絲絲估佢都係睇中咗中國內地龐大嘅購買力啦！

余絲韻