哥倫比亞前財政部長奧坎波被提名成為下任世界銀行行長，都成為今次摩通行動受害者，仲大動肝火，話摩通當正佢係犯，星期五突然凍結晒佢啲錢，感覺簡直係身處地獄。
前任在職 一律凍資
今次摩通出手，只係美國人可以豁免，只要係海外官員，不論係前任定係在職，都要同摩通嘅銀行服務講拜拜，照計就算幫摩通打工嘅英國前首相貝理雅都會中招，但消息就話私人銀行客都會不受影響。
其實摩通係美國最大嘅銀行，都夠膽咁做，反映美國金融系統上下好有決心反洗黑錢，絲絲都好懷疑，以後海外政治人物去美國，仲有邊間美國嘅銀行夠膽提供服務呢？
余絲韻