依家環球經濟仲係乍暖還寒，莫講話大企業面對好多挑戰，中小企就更加需要認清形勢啊，為咗幫中小企加強競爭力，滙豐工商金融同香港生產力促進局繼續搞活動，協助中小企分析形勢。
由滙豐工商金融策動，香港生產力促進局合辦嘅「滙智營商」活動，由一○年開始舉辦，目的係協助中小企認清環球最新經濟形勢，以增強競爭力，拓展商機。
滙豐香港工商金融主管陳樑才好熟悉國際形勢，佢成日都話，雖然歐美經濟現曙光，企業對歐美嘅出口訂單可望回穩，但中小企嘅營商環境仲有好多挑戰。生產力促進局主席陳鎭仁話，新科技湧現衝擊營商潮流，中小企要識得靈活部署至得。
今年嘅特色，包括有專題系列報道、中小企高峰會等等，活動由三月做到十一月，各位中小企高管，大把機會吸收專家意見呢。
余絲韻