絲絲講場：梁永祥榮升有米之人

內地司機高水撲機　

不過，梁生貴人事忙，又點會同大家上網搶米呀。佢透露：「其實內地都好缺貨，呢部紅米手機係我嘅內地司機幫我撲番嚟o架，最後用咗1,200蚊先買到，比原價貴少少囉，但無辦法喇，呢啲差價都係要畀人賺嘅！」

百三萬部半日賣清

講開小米手機，萬眾期待嘅四月八號米粉節啱啱過咗，官方消息話小米手機喺12小時內就賣咗130萬部，成交超過15億（人民幣‧下同），單係配件都賣咗過億元！仲話有近1,500萬人參與添！真係來勢洶洶喎！

今次小米冇新產品推出（原先市場曾盛傳小米3S和紅米2會齊齊登場），冇線下活動，但就喺米粉節開場10分鐘，網站流量已達1,500萬人次。15分鐘，50萬部手機已經賣晒！到咗20分鐘，支付金額已過億元！直到下晝四點半，米粉節總支付額仲突破埋10億元，破咗單日銷售紀錄！成班小米員工都好振奮！

雖然香港同台灣賣嘅小米手機超過10萬部，但僅佔內地銷售量嘅一成咋！難怪絲絲買唔到！

余絲韻