今日開始，日本消費稅正式由5%上調至8%，各大百貨公司已大舉促銷，吸引民眾趕在稅務上調前掃貨。
市場有唔少質疑安倍晉三的第三支箭射錯隔籬，要求進一步量寬的聲音愈來愈大。不過，筆者對四月立即加推量寬有少少保留，事關經濟其實慢慢好轉，失業率跌至六年新低而通脹亦都明顯回升，照計就唔需要咁急即刻加推量寬。
由二月開始到依家，美元兌日圓只係100.70至103.70窄幅上落，但短線已分別喺100.70、101.20同101.90出現支持，其中101.20先後3次測試，此位相當重要，一旦跌穿肯定有大量止蝕盤出現。
本周美國有非農數據，只要美國就業市場繼續好轉，就可將之前不穩數據全賴「天氣的錯」而繼續退市，央行政策分野愈來愈大，始終有利美元兌日圓進一步向上，阻力分別於103.40，下一阻力為今年高位105.40。
GMO CLICK環球通副總裁 陳健豪