滙控歐智華份糧過億
絲絲記得前年中銀香港業績都唔錯，但和總冇得享受盈利成果，整體酬金仲少咗2.17%，主要係因為花紅按年大減超過一成五。上年1,271萬入面，其中428萬，即係近三分一係花紅，未知和總滿唔滿意呢？
上年經濟唔錯，各大銀行巨頭都有得加人工，滙控（00005）行政總裁歐智華整體酬金加幅6.65%，去到803萬英鎊，即係大約1.04億港紙。
跨國大行嘅薪酬待遇當然唔係地區性銀行可以挑戰，但恒生（00011）嘅副董事長兼行政總裁李慧敏整體酬金高達1,943萬，淨係花紅嘅部分已經有1,318萬。唔知係遞延性派發花紅方式影響咗恒生條數，定真係好似市傳咁，中資行出手尤其縮水呢？
余絲韻