期指觀瀾：指數升跌睇實騰訊

客觀因素，聯儲局將有議息結果公布，儘管利息一定唔會郁，再減百億美元買債規模也是市場共識，但最大變數是前任主席伯南克，一直把6.5%失業率與息口掛鈎，於今次議息，耶倫好大可能在今次會議作修訂。

估計今日個市牛皮悶局機會居多，但值得一提，周一跌市，騰訊（00700）佔65點指數跌幅92%，昨日恒指反彈109點，騰訊貢獻無多無少啱啱好109點，反映其他藍籌其實對指數影響力有限，在市場高度集中在一隻高beta的藍籌身上。

壞的方面睇，期指炒家不如賭騰訊仲更划算，唔使畀其他低beta股份拖住，好的方面，死硬派硬要炒指數，睇住一隻股票已經夠晒。

自十一月中，騰訊從未收低於10日線多於三個交易日，昨日雖然急升，但已是第五日低於10日線（600.05元），今次由646至538元的調整0.5阻力在592元，短期要收於兩個阻力樓上，方可確認短期見底。手上無倉，暫時等指數彈至接近22,020點附近先再沽過。

John Mullen