絲絲講場：花旗粉紅兵團一舉兩得

最近時不時都有企業化身「粉紅天使」，支持香港癌症基金會嘅「粉紅革命」，今次輪到花旗集團香港及澳門區行長盧韋柏同埋其他管理層，既可以慶祝國際婦女節，同時希望為該團體嘅免費乳癌支援服務籌款！

邀女紅酒大師談人生

慶祝活動真係浪接浪，雖然紅酒行業一向以男性為主，今次花旗香港就專登請咗好靚女嘅紅酒大師Debra Meiburg分享佢對紅酒嘅理念，席間佢又大談職業生涯、生活點滴，以及一些激勵人心嘅故事。絲絲估計，大概係講依家男女平等，女人都可以撐起半邊天。

有份主持酒會嘅花旗集團亞太區行政總裁卓曦文都賣口乖，引用戴卓爾夫人名句：「如果你有東西要說，找個男的；如果你想要把事情做好，找個女的」，讚女性對花旗集團作出重大貢獻。

余絲韻