絲絲講場：財圈「林峯」迎娶空姐

Kenny身高逾六呎，但佢話配偶嘅身高唔係主要考慮，最重要係夾。原來Innyce係空姐， Kenny回想兩人的空中情緣，當時他到新加坡工幹，喺飛機上遇到Innyce。佢講笑話自己當時年少氣盛，口花花、心口寫個勇字，主動跟她傾偈，先識到未來太太。

不過，投資就唔可以一味靠大膽。Kenny話，其實兩人早已開咗個聯名戶口，早幾年就做澳元同紐元外幣定存，當時外幣強勢再加上約兩厘年息，回報都幾穩定。

趁樓價回軟置安樂窩

不過近年外幣息低，所以佢哋就轉買歐美股票基金，相信回報會較吸引。除咗基金投資外，兩人近期就密密睇樓，考慮當樓價回軟，就會入市添置安樂窩。Kenny話晒縱橫金融界超過八年，之前做過盛寶金融私人投資服務主管，喺投資方面應該好有心得，由佢操刀做屋企嘅財政大臣，自然好放心。