冬天嘅北海道風景特別迷人，又有雪滑、又有溫泉浸，佢果然識歎！
證監中人好多病咗
外國人一向最重視聖誕節，要一家人團聚，所以當絲絲聽到，歐達禮今個聖誕唔係返老家英國，而係選擇到日本北海道旅行，都有啲意外。不過，查實歐達禮已經喺香港住咗好多年，早已當香港係佢老家。
講開證監會，近期都算係「多事之秋」，除咗收到「味精信」外，原來證監會中人有唔少最近「中招」病咗，究竟係流感肆虐，定係證監會工作太忙捱壞身子，絲絲就唔知喇，總之希望佢哋早日康復！
事關證監會近排有大把工作等住做，好似黑池監管就出諮詢文件、基金互認又話就快落實喇。