斯卡爾迪諾人脈派用場
Twitter公布，任命英國教育出版公司皮爾遜集團（Pearson）前CEO斯卡爾迪諾（Marjorie Scardino），成為公司第一位女董事，任期至少去到一四年年底。Twitter今次嘅任命，得到業界廣泛嘅支持！
絲絲聽講，行內人士都好支持Twitter嘅任命，認為斯卡爾迪諾嘅人脈關係可以幫到公司發展。事關皮爾遜集團係全球最大嘅教育公司及出版社，旗下有大家好熟悉嘅企鵝、朗文同環球雅思出版社。
加上出版商亦都屬於傳媒行業，所以外界相信以斯卡爾迪諾嘅人脈，將來Twitter同媒體公司嘅合作將會更加密切，對公司絕對有利。